Бүген төнлә М7 трассасының 1071 нче километрында Уфа юнәлешендә Toyota автомобиле туктаган фурага килеп бәрелгән.
Юл-транспорт һәлакәте аркасында җиңел машина йөртүчесе һәм пассажиры урында һәлак була. Моңа кадәр трассаның бу участогында бозлавык турында хәбәр килде.
«Татар-информ» га билгеле булганча, машина йөртүчегә — 33, пассажирга 23 яшь булган. Икесе дә – Таҗикстан гражданнары, Мәскәүдә яшәгәннәр.
Гадәттән тыш хәл урынына Тукай районы прокуроры Руслан Галиев килгән. Тикшерү оештырылды.
Нет комментариев