Җәяүлеләр дә гел хаклы түгел

Районыбызда 16 ноябрдән 25 ноябрьгә кадәр ”Җәяүле кичү” (Пешеходный переход) операциясе узды.

    Әлеге операция барышында җәяүлегә юл бирмәгән 2 машина йөртүчегә, җәяүлеләр юлыннан дөрес чыкмаган 4 кешегә протокол тезелгән.

Шушы атна дәвамында штрафларын вакытында түләмәгән – 2 кеше, саклану каешын такмаган – 1 кеше, машина номеры пычрак булган – 1 кеше, һәлакәт булган урынны калдырып киткән – 1 кеше, юл билгеләрендә күрсәтелгәнне үтәмәгән – 7 кеше, машинасын йөртү хокукыннан мәхрүм ителүчегә биргән – 1 кеше, машинасы техник яктан төзек булмаган 1 кеше ачыкланып, аларга да протокол төзелгән.

Шушы атна барышында 10 вак юл һәлакәте теркәлгән, шөкер, гомерләр өзелмәгән.

Юлларда бик игътибарлы булыгыз, бер-беребезне хөрмәт итәргә өйрәник.

Мәгълүматларны ЮХИДИнең Әтнә инспекторы, вакытлыча җитәкче вазыйфасын башкаручы Рамил Гәрәевтән алдык.

С. Мингатина фотосы