Әтнәгә Татарстан Республикасы министры килде

Дөрестән дә районыбызда Татарстанның авыл хуҗалыгы һәм азык-төлек министры Марат Зяббаров булып китте. Бездәге яңалыклар, заманча һәм фән нигезендә төзелгән объектлар белән танышты ул.

“Ленин” күмәк хуҗалыгының роботлар сава торган яңа ферма комплексын күреп сокланды. “Тукай”ның Олы Әтнә фермасындагы яңалыкларны, биредә фәнни нигезгә корылган терлек азыгы әзерләү цехларын югары бәяләде. Моннан соң “Ветстанция”дә булып, лаборатория эшчәнлеге белән танышты.