Әтнә таңы

Җитәрме?

Гөлүсә Батталова шигырьләрен яратып укучыларга.

Җитәрме? 
Меңнәрне сыйдырган бу җирдә 
Дөм ялгыз әрнүле йөрәгең. 
Җылытыр идем дә җәемдә... 
Җитәрме җанымда егәрем? 

Җитәрме ярату? Күкләргә 
Кул сузып тоташкан чагымда? 
Шикләнсәң - кирәкми, ап-ансат - 
Ялгышма, буталма, абынма! 

Табынма! Җитәрме сабырым - 
Дөньяда барлыгың белгәндә? 
Үлсәң дә үкенмәс сөюем 
Җанымда йөргәндә берәүгә? 

Җитәрме гомерем - яшәргә 
Дөм ялгыз йөрәккә иш булып? 
...Мин калган текә яр түзмәде - 
Җитәр! дип юк булды ишелеп... 
10.06.2019 
Гөлүсә Батталова 
#шигырь 
#гөлүсәбатталова 
#поэзия

Реклама

Сүрия Мингатина фотосы

Нравится
Поделиться:
Реклама
Комментарии (0)
Осталось символов: