Яшеренгән синең исем...

. 
. 
. 
Шигырем укырсың, 
укыйсыңны беләм. 
Гади сүзләр арасына 
ихлас яратуым эләм. 

Йөрәгемнең иң түренә 
(кагылмаслык итеп!) 
яшренгән синең исем. 
Бүләк иткән чәчәгеңнең 
Һәр таҗында - сөю исе. 

Меңнәр арасыннан 
сине күрәм. 
Һәр очрашу 
саен 
(хәтерләсәң!) 
толымнарым 
үрәм. 

Шигырем укырсың, 
укыйсыңны беләм. 
Мин җанымны 
(бүгенгедән) 
мәңгелеккә 
урталайга бүләм. 

Энҗе Хөсәенова. 
06.08.2019.

С.Мингатина фотосы