Салым буенча сораулары булганнарга

Россия Федераль салым хезмәтенең Татарстан Республикасы буенча 5нче районара инспекциясе адресын үзгәртә. Әлеге инспекция Казан шәһәренең Яңа Савин районында яшәүчеләргә һәм Республиканың Арча һәм Әтнә районы халкына хезмәт күрсәтә.

9 нчы гыйнвардан оешма Чуйков урамы 2 адресы буенча түгел, Бондаренко 3 адресы буенча эшләячәк. Адрес үзгәртү сәбәпле эш графигында үзгәрешләр көтелми.

Бу хакта Салым инспекциясенең матбугат хезмәте хәбәр итә. Искәртеп узабыз, яңа ел яллары сәбәпле, Казан буенча барлык Салым инспекциясе бүлекләренең 9нчы гыйнвардан гади график буенча эшләүләре көтелә.