Әтнәдә - ике юл һәлакәте
Юлга чыксагыз игътибарлы булыгыз, машина йөртүчеләр, бер-берегезнең гомерен саклагыз, җәяүлеләрне хөрмәт итегез.
Әтнә районында ике юл һәлакәте теркәлде, берсе Олы Әтнә - Күлле Киме юлында, җиңел машина белән зур машина бәрелеште, икенчесе - Күшәр авылында. Машиналарга шактый зыян килде, Аллага шөкер, кешеләре исән-сау.
- Юлда йөргәндә юл йөрү кагыйдәләрен үтәмәү нәтиҗәсе бу. Тизлекне тиешледән арттырмагыз, саклык чараларын үтәгез, куркынычсызлык каешларын тагып йөрегез. Бер-берегезне хөрмәт итегез, һәркем кемнеңдер кадерлесе, сезнең игътибарсызлык аркасында бер гаебе булмаган кешеләр зыян күрмәсен. Көн җылына, кая карама су, юлларда йөргәндә җәяүлеләрне хөрмәт итегез, су чәчрәтеп китүчеләр күбәйде...- дип кисәтә ЮХИДИ инспекторы Рамил Гәрәев.
С.Мингатина фотосы
Следите за самым важным и интересным в Telegram-каналеТатмедиа
Нет комментариев