Июль аенда мәктәп өчен канцелярия кирәк-яракларына уртача чек 55 процентка арткан

(Казан, 29 июль, «Татар-информ»). Быелның июль аенда беренче сыйныф укучысына мәктәп кирәк-яраклары алу өчен уртача чек 712 сум тәшкил иткән, бу 2019 елның шул чоры белән чагыштырганда 55 процентка артыграк. Бу хакта RT телеканалы «Платформа ОФД» IT-компаниясе үткәргән тикшеренүгә сылтама белән хәбәр итә.

«Платформа ОФД» экспертлары билгеләп үткәнчә, мәктәп укучыларының әти-әниләре балалар өчен сыйфатлырак һәм бәясе дә югарырак булган товарлар сайлаган.

Рюкзаклар сатып алу ешлыгы 38 процентка арткан, әлеге товарга уртача чек исә 3 процентка кимеп, 1563 сум тәшкил иткән. Июль аенда көндәлекләрне азрак сатып ала башлаганнар – сатып алулар күләме 21 процентка азайган, шулай да әлеге мөһим мәктәп атрибутын сатып алу өчен узган елның июленә (142 сум) караганда уртача алганда 34 процентка күбрәк акча сарыф иткәннәр. Пеналның уртача чегы аеруча нык арткан. Июль аенда ул уртача алганда 799 сум торган, бу узган елның шул чоры белән чагыштырганда 60 процентка кыйммәтрәк. Сатып алулар күләме 26 процентка кимегән.

Чыганак: https://tatar-inform.tatar/news/business/29-07-2020/iyul-aenda-m-kt-p-chen-kantselyariya-kir-k-yaraklaryna-urtacha-chek-55-protsentka-artkan-5759959