Әтнә районында 2 атнада – 3 исерек
"2014 елның ике атнасында Әтнә районы юлларында автомобиль белән исерек хәлдә идарә иткән 3 кеше тоткарланды", - дип хәбәр итте ЮХИДИ инспекторы Фәнил Муллагалиев.
3 гыйнвар көнне Күңгәр авылында "ВАЗ-2114" автомобиле белән идарә итүче туктатыла. Алкотестор аша тикшерү аның спиртлы эчемлек кулланганлыгын күрсәтә. Нәтиҗәдә, йөртүчегә Административ хокук бозулар турындагы кодексның 12.8 маддәсе, I өлеше буенча протокол төзелә. Автомобиль штраф-стоянкага озатыла.
4 гыйнвар көнне Күлле Киме авылында "УАЗ-11195" автомашинасы туктатыла. Йөртүченең кыяфәтенә һәм үз-үзен тотышына карап, спиртлы эчемлек кулланганлыгы фараз ителә. Әмма йөртүче алкотестор аша билгеләүгә каршы килә, больницага да барырга теләми. Нәтиҗәдә ул Административ хокук бозулар турындагы кодексның 12.26 маддәсе, II өлеше буенча җаваплылыкка тартыла.
11 гыйнвар көнне "ВАЗ-2109" автомобиле йөртүчесе спиртлы эчемлек кулланган хәлдә машина белән идарә итүгә шикләнелеп, больницада тикшерү уза. Исерек хәлдә транспорт йөртүчегә Административ хокук бозулар турындагы кодексының 12.8 маддәсе, I өлеше буенча протокол төзелә.
Һәр очракта автомашиналар штраф-стоянкага озатыла. Барлык материаллар да судка озатыла.
Следите за самым важным и интересным в Telegram-каналеТатмедиа
Нет комментариев