6967 кеше полислы

Бердәм полис турында бара сүз. Райондагы 7150 кеше кулында вакытлыча бирелгән полис бар бүген. Ә 6967 кеше сәламәтлек саклау оешмаларына Мәскәүдән кайткан гамәлдәге полис белән мөрәҗәгать итә. Агымдагы елда 2171 кешегә вакытлыча файдалану өчен полис бирелгән. "Ак-Барс мед" иминият компаниясенең Әтнә бүлекчәсеннән әзер полисны 2315 кеше килеп алган быел, алмаучылар да бар. Бүлек җитәкчесе Гөлнара Борһанова әйтүенчә, район халкының яртысы яңа бердәм полисны алмаган әле.