Чаллыда бер хатын өч айлык бала битенә газ баллончигыннан сиптергән

(Казан, 6 ноябрь, “Татар-информ”). Чаллыда бер хатын өч айлык бала йөзенә газ баллончигыннан сиптергән. Бу хакта “Челнинские известия” яза.

Узган ял көннәрендә шәһәрнең 23 комплексы фатирларының берсенә хатын-кыз ир туганына кунакка килгән. Алар арасында низаг чыккан. Шул вакытта әлеге хатын-кыз газ баллончигы алып, ир туганы белән яшәүче хатынга сиптергән.

Спрей тамчылары анасы кулында булган баланың күзенә эләккән.

Кыз баланы ашыгыч рәвештә хастаханәгә озатканнар. Ул анда дәвалау курсы уза.

Бу хакта тулырак:https://tatar-inform.tatar/news/2018/11/06/174680/