Газетабызның иң өлкән хәбәрчесе Мөршидә Минһаҗ кызы Ва­һапованың 11 февраль көнне 90 яшьлек юбилее.

Мөршидә апа эшчән, бе­лемле кешеләре белән дан тоткан, 200 йорты булган Ябын­чы авылында әти-әни­сенең дүртенче баласы бу­лып дөнья­га килә. Аңа кадәр ике абый­сы, бер апасы була. 13 яшен­дә әтисе вафат булып, ачы­сын-төчесен күреп, авыл са­ен йөреп урта белем, аннан пе­да­­гогия институтында укый, Комыргуҗа җи­дееллык мәк­­тәбендә татар теле, тарих, география фәнен укыта. 41 ел Ябынчы белән Комыргуҗа ара­сын җәяү йөрү, шуның өстенә күп­ме җәмәгать эшләре... Ире Әхәт белән 4 бала тәрбияләп үс­терәләр. Тулы канлы тормыш белән яшәргә болары да җитәр иде кебек, тик юк, аннан соң Мөршидә апа буламы ул, аның бер генә ми­нуты да буш булырга тиеш тү­гел, газеталарга хәбәрләр яза башлый ул. Ә бу мәкаләләрне язу өчен күп­ме йөрергә, күпме кеше белән ара­лашырга, тагын язарга кирәк. Кай­дан көч алды икән Мөршидә апа, сокланырлык. Тик бер нәрсә яхшы аңлашыла: тормышны, кешеләрне яра­тып яши ул, эшләгән эшен­нән тәм таба. Өлкән генә түгел, 70 елдан артык хәбәрче стажы булган Мөршидә апабыз да ул безнең.
Бүгенге көндә дә шундый әле ул, ике көннең берсендә шал­тыратып хәл сораша, язмаларын җи­бәрә: алдынгыларын да, авыл­лар тарихын да яза. Гаҗәпләнерлек!
Олы юбилее уңаеннан без хә­бәрчебезне ихлас күңелдән кот­лыйбыз. Сәламәт бул, Мөршидә апа, алдагы гомерең бәхетле, ә бә­хетең гомерлек булсын! Без си­не бик яратабыз, хөрмәт итәбез.
"Әтнә таңы" коллективы.