Әтнә таңы

"Халык контроле"нә Әтнәдән тугыз мөрәҗәгать кергән

Татарстан Республикасының кеше хокукларын яклау буенча вәкаләтле вәкиле, "Халык контроле" проектының модераторы Сәрия Сабурская Әтнәдә авыл җирлекләре башлыклары белән очрашты. Республикабызда әлеге проект 2012 елдан бирле эшләп килә. Нәкъ менә шул елны Президентыбыз тарафыннан Татарстан буенча " Халык контроле" дәүләт мәгълүмат системасы турында" Указ кабул ителде. Сәрия ханым әйтүенчә, аларга...

 

Татарстан Республикасының кеше хокукларын яклау буенча вәкаләтле вәкиле, "Халык контроле" проектының модераторы Сәрия Сабурская Әтнәдә авыл җирлекләре башлыклары белән очрашты.

Республикабызда әлеге проект 2012 елдан бирле эшләп килә. Нәкъ менә шул елны Президентыбыз тарафыннан Татарстан буенча " Халык контроле" дәүләт мәгълүмат системасы турында" Указ кабул ителде. Сәрия ханым әйтүенчә, аларга бик күп төрле мөрәҗәгатьләр керә. Агымдагы елның апрель аеннан шушы көнгә хәтле генә дә 27 мөрәҗәгать кабул ителгән. Әтнә районыннан "Халык контроле" порталына барысы 9 мөрәҗәгать кергән. Алар, башлыча, юлларга, урамнарны яктыртуга багышланган. "Ачык мохит", юл куркынычсызлыгына кагылышлы сораулар да бар.

Реклама

Мәсәлән, Олы Әтнә авылының үзәк урамында машиналарга тизлекне киметә торган билге куйдыртуны сорап кергән мөрәҗәгатькә карата тиешле чаралар күрелгән. Биредә тизлекне киметү билгесе куелган, җәяүлеләргә юл аша чыгу мөмкинлеге дә булдырылган. Шулай ук биредә юл хәрәкәте идарәсе инспекторлары даими күзәтчелек итә. Шуңа охшаш мөрәҗәгать "Халык контроле" порталына Әйшияз авылында яшәүчеләрдән дә кабул ителгән. "Асфальт юлдан машиналар югары тизлектә чаба. Шунда ук еш кына балалар да уйный. Тизлекне киметер өчен чара күреп булмас микән",- дип сораганнар алар. Нәтиҗәдә, бу юлга да чикләү билгесе куелган.

Ташчишмә авылында исә халык юлсызлыктан зарланган. Әлеге мөрәҗәгатькә җавап буларак, биредә авыл җирлеге тарафыннан грант хисабына вак таш түшәлә башлаган. Һәм бу эшне 1 октябрьгә хәтле төгәлләргә уйлыйлар. Кунгәр авылында да нәкъ шул ук проблема. Биредә дә юлларны төзәтү авыл җирлеге откан грант хисабына тормышка ашачак. Гомумән, "Халык контроле" порталына безнең районнан кергән мөрәҗәгатьләрнең берсе дә дәлилле кире кагуга дучар булмаган. Алар буенча чаралар күрелгән, ә берничәсе киләчәктәге төзелеш программасына кертелгән.

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: