Үпкәсен сыер сөзеп тишкән

Чувашиядә яшәүче иргә котырган сыер һөҗүм иткән. Ул бик җитди имгәнгән. Ирне дәваханәгә озатканнар.

Бу кеше ишегалдында йөрүче сыерның ничектер ачуын чыгарган. Шуннан соң хайван аны бик каты итеп сөзеп ташлаган. Ир, Испаниядәге матадорлар кебек, сыер белән көрәшмәкче була, аны мөгезләреннән тотып этәргә маташа. Ләкин сыер аны барыбер җиңә. 

Шуннан соң ирнең кабыргасы сына, кулы җитди имгәнә. Табиблар соңрак ачыклавынча, ирнең үпкәсе дә тишелгән булып чыга. «Сәламәтлеге какшау сәбәпле, ул әле тиз генә ит ашый алмас, мөгаен», дип яза гәзитләр.

Автор: Резеда Галикәева