«Татспиртпром» компаниясенең элеккеге җитәкчесе Ирек Миңнәхмәтов вафат
Танылган эшмәкәрнең үлемен РКБ матбугат хезмәте раслады.
Бүген «Татспиртпром» компаниясенең элеккеге җитәкчесе, танылган Татарстан бизнесмены Ирек Миңнәхмәтов вафат булды. Башлангыч мәгълүматлар буенча, ул тромб өзелү нәтиҗәсендә үлгән. Бу хакта РКБның матбугат хезмәте хәбәр итә.
Ирек Миңнәхмәтов Казанда туган. Арча педагогика көллиятен тәмамлый. Икътисад һәм юриспруденция буенча югары белемнәре бар. Карьерасын бизнесмен сыйфатында «Чингисхан» фирмасында башлый. 2008-2010 елларда- Казан шәһәре Думасы депутаты.
2010 елдан 2012 елга кадәр Ирек Миңнәхмәтов «Татспиртпром» ААҖ генераль директорының коммерция мәсьәләләре буенча урынбасары булып эшләде.
2012 елның августыннан шул ук елның октябренә кадәр - «Татмедиа» ААҖ генераль директоры, 2012 елдан 2015 елга кадәр - «Татмедиа» Республика матбугат һәм массакүләм коммуникацияләр агентлыгы җитәкчесе.
2015 елның гыйнварында Ирек Миңнеәхмәтов «Татспиртпром»ны җитәкли һәм 2020 елның гыйнварына кадәр аның генераль директоры була. Бу посттан киткәннән соң үз бизнесын үстерергә ниятләгән.
Следите за самым важным и интересным в Telegram-каналеТатмедиа
Нет комментариев