Әтнә укытучылары кабат бәйгедә

Олы Әтнә мәктәбендә "Ел тәрбия эшләре буенча урынбасар-2017" һәм "Ел сыйныф җитәкчесе-2017" бәйгесе узды. Тәрбия буенча урынбасарлар арасында җиңүне Бәрәзәдән Фирдәвес Әбсәләмова яулады. Икенче урында Күлле Киме мәктәбеннән Римма Сафина, өченчедә - Күңгәрдән Гөлназ Сабирова. Ел сыйныф җитәкчесе исеме Яңа Шашы мәктәбеннән Илнур Сәләховка бирелде. Олы Әтнәдән Гөлара Хабибуллина - икенче, Күшәрдән Гөлфинә Йосыпова өченче урыннарны алды. Җиңүчеләр мәгариф бүлегенең грамоталары һәм истәлекле бүләкләр белән бүләкләнде.