Әтнәдә 35 протокол төзелгән

Узган атна барышында ЮХИДИ бүлеге хезмәткәрләре тарафыннан 35 машина йөртүчегә протокол төзелгән. Шулар арасыннан өчесе киемдә яктылык кайтаргыч элементлар булмаган өчен. 5 машина йөртүче штрафын вакытында түләмәгән өчен җавапка тартылган. Моның өчен җәза катгый - штрафны икеләтә түлисең, яки берничә тәүлек "ял " итеп кайтасың. 10 кешегә куркынычсызлык каешын такмыйча йөргән өчен, 5 кешегә машина номерларын танып булмаганга протоколлар төзелгән.Шул ук вакытта 3 вак ДТП теркәлгән. Аллага шөкер аларда тән җәрәхәте алучылар юк, машиналарга гына механик зыян килгән.