Әтнәдә кабат һава торышы начарлана

Татарстанда кабат көчле җил, урыны белән боз явуы көтелә. Начар һава торышы турында Гидрометцентр идарәсе бу атна эчендә инде өченче тапкыр кисәтә. - Бүген көннең икенче яртысында, төнлә һәм 20 июнь көнне иртәнге якта Татарстан территориясендә актив фронталь һава агымнары үтү сәбәпле көньяк көнчыгыш районнарда яшен, боз һәм яңгыр явуы көтелә. Җилнең тизлеге 19-24 м/с булачак, - диелә хәбәрдә. Исегезгә төшерәбез, атна башында булып узган гарасат нәтиҗәсендә бер кеше үлде, дистәләгән йорт һәм бина түбәсез калды, барлыгы 25 миллионлык зыян килде.