Әтнәдә туучылар саны күпкә азайган

65 бала туган, 194 кеше вафат
Узган 2017 елга районның демографик хәле әнә шундый. Барлыгы 37 малай, 28 кыз бала дөньяга беренче тапкыр аваз салган. 88 ир-ат һәм 106 хатын-кыз якты дөнья белән хушлашкан. Замана үзгәрә, хатыннарыгызны саклагыз диясе килә ирләргә... Шунысы куандыра - ел башыннан 59 пар язылышып, яңа гаилә корган. Аерылышучылар исә - 29 пар. Яңа туган сабыйларның 22 се гаиләдә - беренче, 25е - икен­че, 16сы - өченче һәм 2се дүртенче бала булып туган. Узган ел барышында исә 86 сабый дөньяга килгән, 199 кеше үлгән булган. 55 пар язылышкан, 21 пар аерылышкан.