Әтнәле, ә син “артык узынмыйча, яхшы” яшисеңме?

Россия халкы "артык узынмыйча, яхшы яшәү"не җан башына аена 22 мең 755 сумга бәяли. Бу хакта ВЦИОМ хәбәр итә.

Дөрес, Мәскәү һәм Санкт-Петербург халкының чыгымнары зуррак - 25153 сумга баса. Ә авыл халкының таләбе, киресенчә, азрак - нибары 17414 сум. Россиянең 46 төбәгендә, 130 торак пунктында үткәрелгән сораштыру нәтиҗәләре шуны күрсәтә.

Аның каравы, бай яшәвенә ышанучылар саны 1990 ел белән чагыштырганда 2,5 тапкырга арткан. Нәтиҗәләр күрсәткәнчә бер кешегә 11173 сум керем ярлылык санала. Биредә Россиядә быелгы яшәү минимумының 9,7 мең сум булуын әйтү урынлы булыр.