Әтнәләр нык тырыша

"Яңа акчаларга Казан күренешләрен кую буенча тавыш бирүдә без тагын лидерлыкка чыкканбыз", - дидем танышыма. Ә ул: "Шулай булмый ни, бик нык тырышабыз инде. Башкача була күрмәсен дә", - диде.

6 октябрь көнне төш вакытына Казанның 384490 тавышы бар. Икенче урында баручы Севастополь 381598 тавышка ия. Игътибар иткәнсездер, тавыш бирү белән бәйле гауга чыгуга, ул шәһәр азрак артка тәгәрәп ала. Аннан соң барыбер үзенекен кайтарып ала. Безнең Казан кебек диюем. Бу сүзләрнең хаклыгын бәлки Сочи да раслар әле. Һәрхәлдә икенче урынга күтәрелер дигән фикердә мин.