Әтнәнең “Сәхнәдәшләр”е "Әлмәндәр варислары" бәйгесе җиңүчеләре

Казанның мәдәният һәм сәнгать институтында Шәүкәт Биктимеров истәлегенә багышлап үткәрелгән беренче халыкара фестиваль-бәйгедән безнең "Сәхнәдәшләр" зур җиңү яулап кайттылар. Балалар театры коллективының "Авыл эте Акбай" спектаклен жюри да, тамашачылар да бик ошатканнар. "Кайвакыт озаклап кул чапкач, уйнаудан туктап тордык", - диләр балалар. Ә икенче көнне узган бүләкләү өлешендә җитәкчеләре Финә Сафиуллина һәм Алсу Хәкимова сәхнәгә менеп-төшеп арып беткәннәр. Спектакль үзе, аннан тыш "Иң яхшы режиссура" һәм "Иң яхшы сәхнә бизәлеше" номинацияләрендә безнекеләргә җитүче булмаган. Зур уңыш!