Әтнә укучылары "Дуслык учагы"на җыелды

Район мәктәпләренең иң- иңнәре бүген Яңа Шашы авылы янындагы табигатьнең гүзәл почмагында "Дуслык учагы"н кабызды. Аланлык умарта күчедәй гөр килде. Кая карасаң да - палаткалар. Шунда ук уңчакларда шашлык кызды, казаннарда пылау пеште. Укучылар янып-пешеп берсеннән- берсе авыр сорауларга җавап эзләде, иҗатта үзен сынады. Көннең икенче яртысында спорт ярышлары башланып китте. Учак кичке сәгать алтыда, шушы матур бәйрәмнең кульминациясе булып, монда булганнарга бер ел буена җитәрлек дәрт-дәрман өстәп, кабынып китәчәк.