Бүген шәфкать туташлары һөнәри бәйрәмнәрен билгеләп үтәләр
Район үзәк больницасында эшләүче барлык шәфкать туташларын һөнәри бәйрәмнәре белән котлыйбыз.
12 май – шәфкать туташлары көне. Һөнәри бәйрәмнәрен алар бүген хастаханәдә авырулар янында каршы ала.
Илдә урнашкан вәзгыять күп һөнәр ияләренең кадерләрен белергә өйрәтте. Шуларның берсе – шәфкать туташлары. Иң авыр мизгелләрдә алар өйдә гаиләсе, туганнары янында түгел, ә хастаханәдә авырулар тирәсендә булдылар, аларның сәламәтлекләре, тормышларын саклап калу өчен көрәштеләр.
Барлык шәфкать туташларын һөнәри бәйрәмнәре белән котлыйбыз. Менә шундый авыр һәм тынгысыз хезмәтләрендә уңышлар, сәламәтлек телибез.
Фото Әтнә үзәк больницасының инстаграм челтәреннән алынды.
Следите за самым важным и интересным в Telegram-каналеТатмедиа
Нет комментариев