Әтнәбезнең танылган яшь көрәшчесе Ильяр Мөхәмәтшин бу юлыда сынатмыйча 1 урынны яулап кайтты

14 нче декабрь көнне Арча районы Кәче мәктәбендә көрәш ярышлары узды. Бу ярышлар 2009-11 нче елгы һәм 2012 нче елгы һәм аннан яшьрәк егетләр арасында “Яңарыш” агрофирмасы җитәкчесе Садыков Илгизәр Минневәли улы призына уздырылды.
Ярышта барлыгы 130 яшь көрәшче катнашты. Ярышны ачу тантанасында Арча муниципаль районының яшләр эшләре, спорт һәм туризм бүлеге җитәкчесе Вагизов Әмир Рөстәм улы, Арча районының көрәш федерациясе җитәкчесе Алеев Ринат Заһит улы катнашты.
Бу ярышта безнең Әтнәбезнең танылган яшь көрәшчесе Мөхәмәтшин Ильяр Ирек улы 50 кг. авырлыкта көч сынашып бу юлыда сынатмыйча 1 урынны яулап кайтты. 
Ильярны котлыйбыз, алга таба да уңышлар телибез!

Тренерлар: Радик Шарафиев