Махсус рейдлар узачак

Бу чорда учак ягарга, әгәр территория урманга якын булса, ишегалдындагы мангалда да шашлык пешерергә, шулай ук чүп-чар ягарга ярамый. «Күрмәсләр, белмәсләр», дип тынычлана күрмәгез, бу көннәрдә өлкән инспектор катнашында авылларга махсус рейдлар ясалачак. Ә закон бозучыларга штрафлар саллы. Физик зат — 10-20 мең, вазифаи зат — 30-60 мең, юридик затлар 400-800 мең сум штраф түләячәкләр. Балалар белән бергә урман тирәсенә барырга туры килсә дә, сак булыгыз, аларга аңлатыгыз! Карап йөрү кирәк, елан, талпан, төрле бетләр инде уянган.