Җәйдән көч алып калыйк

Яшел төстәге яшелчәләр «организмны саклауның беренче линиясе» булып торган лимфоцитларга тәэсир итеп, иммунитетны торгыза һәм ныгыта. Шуңа, кальций, С, А, В төркеме витамин­нарына бай яфраклы яшелчәләр (салатлар), брокколи һәм кольраби кәбестәләре файдалы. Әлеге киңәшләр белән Яшел Үзән сайты уртаклашты.

• Кишер – шулай ук организмның саклаучы көчләрен ныгыту өчен бик тә кирәкле бета-каротинга бай. Иммунитетлары түбән кешеләргә яңа сыгылган кишер согы файдалы.
•  Сарымсак – иммунитетны ныгытучы һәм ялкынсынуларга каршы торучы табигый антибиотик.
•  Кыяр – токсиннарны куа һәм организмга кирәкмәгән нәрсәләрне чыгаруда ярдәм итеп, саклагыч көчен арттыра.
•  Помидорда иммунитетка ярдәм итүче ликопин антиоксиданты бар.
•  Ташкабак үт куыгы һәм эчәклек эшчәнлеген яхшырта. Организмнан дару матдәләрен, хәтта антибиотик­ларны чыгарырга сәләтле.
•  Цитруслылардагы С витамины бронх-үпкә һәм иммун системасын ныгытырга булыша.
•  Җиләкләр иммуномодулятор тәэсиргә ия. Алар составына безнең иммунитетка кирәкле витаминнар һәм микроэлементлар, органик кислоталар һәм минераллар керә.