Кешью чикләвеген яратасызмы?

Ул тиз үзләштерелә торган углеводларга, протеиннарга һәм магнийга бай. Бу элементлар кешенең чыдамлыгын арттыра, ми һәм йөрәк эшчәнлеген яхшырта, шулай ук организмнан начар холестеринны чыгаруга ярдәм итә.

Кешьюның файдасы:

- Сөякләрне ныгыта: Магний, фосфор һәм кальций сөяк тукымасы өчен бик мөһим.

- Иммунитетны көчәйтә: Цинк һәм витаминнар ярдәмендә иммунитетны саклый.

- Энергия бирә: Көн дәвамында активлыкны тәэмин итә.

Күпме ашарга ярый?

- Зурлар өчен: көненә 20-30 грамм (15-20 чикләвек).

- Балалар өчен (3 яшьтән өлкәнрәк): көненә 5-10 грамм (3-5 чикләвек).

- Ябыгу өчен: көненә 10-15 граммнан арттырмаска тырышыгыз.

Чикләвекне ничек сакларга?

- Ябык төргәктә бүлмә температурасында: 1 айга кадәр.

- Суыткычта: 6 айга кадәр.

- Туңдыргычта: 1 елга кадәр.

Искәрмә: Чикләвекне дымнан һәм кояш яктысыннан саклагыз, чөнки бу аның тәмен начарлата ала.

Кешью чикләвеген ничек сайларга?

- Төсе аксыл сары булырга тиеш.

- Кабарынкылык, кара таплар һәм күгәрекләр булмаска тиеш.

- Чикләвек исе җайлы, әче тәмсез булырга тиеш.

- Төшләре бөтен, вакланмаган һәм изелмәгән булырга тиеш.

- Чи килеш алу яхшырак, чөнки кыздырылган чикләвектә май һәм тоз күп була ала.

Кешью — сәламәтлек һәм энергия чыганагы!
Тәмле булсын! 

Автор: Зөлфия Фәтхетдинова