Кызыл чөгендерне тиз генә ничек пешерергә?

Гадәттә, кызыл чөгендер озак пешә, аңа суын өстәп торасы, чәнечке белән тишкәлисе була. Чөгендерне тиз пешерү ысуллары киңәшләр сайтында чыкты.

Беренче ысул

Кызыл чөгендерне гадәти ысул белән пешерергә дә сап-салкын суга салырга. Ул бик тиз йомшый. Чөгендерне әрчемичә, 30 минут чамасы пешерергә. Аннары кәстрүлне уттан алып, кайнар суны түгәргә дә салкын су салырга. 

Икенче ысул

Чөгендернең кабыгын әрчеп, өч-дүрт кисәккә турарга, пароваркага салырга. Шунда 1-1,5 сәгать пешерергә. Тиз дә түгел кебек, ләкин су өстисе, чәнечке белән тишкәлисе булмый. Янына бәрәңге, кишер дә салып пешерергә ярый, диелә бу хәбәрдә. 

Чыганак: https://intertat.tatar/news/questions_answers/21-03-2021/kyzyl-ch-genderne-tiz-gen-nichek-peshererg-5813989