Ана капиталын автомобиль сатып алуга тотып булмаячак

Казан, 17 сентябрь, "Татар-информ"). Дәүләт Думасы Ана капиталын автомобиль сатып алуга рөхсәт бирә торган канун проектын хупламаган.

Быел март аенда бер төркем депутатлар Дәүләт Думасына Ана капиталына автомобиль сатып алу турындагы канун проектын тәкъдим иткән. Әлеге хокукны аерым категория: тәрбиягә бала алган, инвалид бала тәрбияләүче һәм өченчесе - күп бала тәрбияләүче гаиләләргә бирү тәкъдим ителгән иде. Шул ук вакытта бары Россиядә җыелган автомобильләр сатып алу турында гына сүз барды.

Шушы көннәрдә Дәүләт Думасы канун проектын караган: ул уңай нәтиҗә бирмәгән һәм кабул ителмәячәк, дип яза "Вести КАМАЗа".

Чыганак: http://tatar-inform.tatar/news/2017/09/17/148428/