Автобусны кистереп, каршысына кергән автомобиль хуҗасы җавапка тартылды

Чит ил автомобиле йөртүче юлда авария халәте тудырган.

ЮХИДИ хезмәткәрләре күптән түгел гамәлгә кергән яңа төшенчә - "Опасное вождение" өчен "БМВ" автомобиле йөртүчене җавапка тарттылар.

Сул полосадан баручы автомобиль уң якка - автобус каршына кергән һәм кинәт тормозга баскан. Кыскасы, авария хәле тудырган. Моннан соң кинәт кенә кузгалып киткән һәм алга чабып юкка чыккан.

ЮХИДИ хезмәте аның кем булуын ачыклаган. Онытмагыз, җәмәгать: беркайчан һәм беркемнән дә качып котылып булмый, барыбер беленә ул. Бу очракта гаеплегә берьюлы ике маддә буенча җавап бирергә туры киләчәк.

Чыганак: tatar-inform.ru