Автомобиль бәяләрен төшермәкче булалар - "Әтнә таңы"

"Россиядә автомобиль бәясе 13 процентка кимергә мөмкин. Дәүләт Думасы депутатлары автомобильгә ихтыяҗ арттыруның яңа ысулын тәкъдим итәргә җыеналар".

Бу хакта "Известия" газетасы хәбәр итә. Депутатлар илдә җитештерелгән автомобильне сатып алган россиялеләргә, 13 процент чыгымнарын кире кайтарыйк, диләр. Моның өчен машина алган өчен салым механизмын кертергә кирәк дип саныйлар. Депутатлар фикеренчә, бу схема Россия автопромы үсешенә булышачак. Бу нәрсә дигән сүз?

Депутатлар РФ Салым кодексының 220 маддәсенә бу хакта өстәмә кертергә уйлыйлар. Ягъни, машина алган россияле тиешле документлар җыеп тапшырып, элегрәк дәүләткә түләгән салымны кире кайтара алачак.