Бакчада тагын карантин

Соңгы вакытта балалар бакчасындагы карантиннар турында еш хәбәр итә башладык. Кызганычка каршы, бүгеннән, 14 марттан киләсе атнаның сишәмбе көненә кадәр Олы Әтнә балалар бакчасының кечкенәләр төркеме дә Арча-Биектау "Роспотребнадзор" идарәсенең территориаль бүлеге карары белән карантинга ябыла.

Больницадагы карантин да дәвам итә. "Балалар бакчаларында, мәктәпләрдә, техникумда иртәнге фильтрлар элеккечә үтә, саклык чаралары турында онытмагыз...", - дип кисәтә район үзәк больницасының баш табиб урынбасары Гөлия Мифтахетдинова.