Безнең Самат та, Азалия дә - беренчеләр!
Казанда 9 яшькә кадәр шахматчылар арасында Татарстан Республикасы беренчелеге узды. Биредә безнең яшь талантлар - Самат Шәрәфиев һәм Азалия Мифтахова катнашты.
- Бик көчле турнир булды, уннан артык шәһәр һәм сигез район шахматчылары уйнады, - дип ачыклык кертте тренерлары Раил Шакиров.
Ир-малайлар бәйгесендә 160 шахматчы көч сынашкан. Татарстанның үз яшь төркемендәге иң көчле шахматчылары инде болар. Самат 9 мөмкинлектән 5,5 балл туплауга ирешә, бу авыл районнары арасында иң яхшы күрсәткеч. Икенче урында - Балтач, өченчедә Биектау шахматчысы урнашкан... Ә гомуми исәптә 15 урын яулаган ул. Бик яхшы нәтиҗә!
Параллель рәвештә 60 кыз бала көч сынашкан. Азалия 9 мөмкинлектән 6 балл туплаган. Бу исә авыл районнары арасында иң яхшы нәтиҗә. Алай гына да түгел, республиканың үз яшь төркемендәге иң көчле шахматчылары арасында 8 урын алган. Авыл районнары арасында иенче урында - Кукмара, өченчедә Баулы шахматчы кызлары урнашкан.
Афәрин яшьләр! Яңа уңышлар көтеп калабыз.
Азалия Мифтаховага әле медаль тагарга өлгермәгәннәр.
Самат Шәрәфиев сул якта.
Следите за самым важным и интересным в Telegram-каналеТатмедиа
Нет комментариев