Бүген газетабыз редакторы Мөхәмәдҗанова Гөлнар Равил кызының туган көне.

Аны ихлас күңелдән бу зур бәйрәме белән котлап, саулык-сәламәтлек, тазалык-тынычлыкка төренеп, балалар бәхетендә, тормыш иптәше Айрат белән тигезлектә, озын-озак гомер итүен телибез. Һәр теләгәнең тормышка ашсын, куйган максатларыңа ирешергә язсын. Һаман шулай ачык йөзле, гадел, кешелекле булып, тирә-ягыңдагыларны куандырып яшә!

Озын гомер бирсен Хак Тәгалә,

Тыныч булсын һәрчак җаннарың.

Кочак-кочак бетмәс куанычлар,

Алып килсен туар таңнарың.

Юлларыңа ак бәхетләр яусын,

Шатлык балкып торсын йөзеңдә.

Ә борчулар баш очыңнан узсын,

Шул теләкләр бездән үзеңә.

Иң изге теләкләр белән "Әтнә таңы" коллективы.