Бәяләр артты

Почта башкара торган кайбер хезмәтләргә апрель аеннан бәяләр артты.

Россия эчендә авырлыгы 20 граммнан артмаган гади хат җибәрү элеккечә 22 сум кала. Ә менә башка төрле корреспонденция җибәрү тарифларына бәяләр артты. Мәсәлән, заказлы хатны җибәргән өчен хәзер 45 сум түгел, ә 46 сум түлисе була.

Авырлыгы 100 граммнан артмаган заказлы бандерольне җибәрү 6 сумга артты, хәзер ул 66 сум булачак. Гади бандерольләр өчен бәяләр үзгәрми.