Бәйрәмнәрне хәвеф-хәтәрсез үткәрик

Яңа ел бәйрәмнәре вакытында янгын чыгу очрак­лары ешая.
Шул уңайдан барлык мәктәпләрдә, балалар бакчаларында, мәдәният йортларында, предприя­тиеләр һәм оешмаларда тикшерүләр уздырылачак. Яңа 2018 елны хәвеф-хәтәрсез генә каршыларбыз дип ышанасы килә. Шуңа күрә барлык объект җитәкчеләренә бәйрәм көнен һәм җаваплы кешеләрне алдан билгеләргә, янгын куркынычсызлыгы чараларын алдан әзерләргә кирәк. Чыршыларны янучан материаллардан ясалган уенчык­лар белән бизәмәскә, шәмнәр яндырмаска, кулдан ясалган гирляндаларны һәм шартлаткычларны кулланмаска кирәк. Электр яктырткычларын катгый рәвештә янгын куркынычсызлыгы кагыйдәләре буен­ча гына кулланырга һәм тоташтырырга.
Барлык райондашларыбызны якынлашып килүче 2018 ел белән котлыйбыз! Бәйрәмнәрдә бары тик сертификатлы төсле гирляндалар гына янсын.