Дусым зираты яңартыла

Аллага шөкер, Рамазан аенда саваплы гамәлләр эшләүне дәвам итәбез. 19 июньдә Дусым авылында зиратны әйләндереп алган иске коймаларны сүтеп, чүп-чарларны җыеп, әйләнәсен трактор белән эттереп, калдыкларны түгүне оештырдылар. "Әйләнәсен алыштырабыз. Авылдашыбыз, якташыбыз Рөстәм Наил улы Сабиров финанс ярдәме күрсәтә. Җилгелде зиратын да нәкъ шулай ук итеп яңартабыз. Анысына үзебезнең көч белән тотынган идек, авыл халкы да булышырга теләк белдерде. Башладык, Алла боерса, төгәлләрбез..." - дип, башкарган эшләре белән таныштырды ООО "Дусым" директоры Ленар Сәмигуллин.