Ерак калмый инде язга да

Урамнар гына, мәрхүмә әбием әйтмешли "Бер дә харап" булды. Машинада урамның бер башыннан керергә уйласаң, борылып булмый, арт белән чыгарга туры киләчәк дигән уй белән керергә кирәк.

Лапасның тирә-ягын гына түгел, базның як-ягын да казып, су читкә агарлык канаулар казу артык булмас. Хәзер табигатькә, һава торышына ышаныч юк. Түбәләрне кардан чистартканда бик сак була күрегез. Башкортстанда берәү янкорма түбәсеннән егылып вафат булып куйган.

Кыскасы, ерак калмый инде язга да, язгы су басуга каршы эшләрне башларга вакыт.