Тумышы белән Иске Шимбердән булган, бүгенге көндә Өшкәтә авылында яшәүче Фидания апа Гыйниятуллина: “Мин Хозыр гәләйһиссәләмне күрдем”, - дип шаккатырды.
Авылдагы фермада эшли ул. Яшьләр үзара әңгәмәдә Раббыбызны “бабай” сүзе өстәп телгә алалар. Монысы бер хәл, сүзгә оста Фирдания шунда:
– Бабае булгач, әбие дә бардыр инде аның, – дип куя.
Рәхәтләнеп көлешәләр дә шуның белән бу кич узып та китә. Тик төн бар бит әле.
– Төнлә төш күрдем, имештер, фермадан эштән кайтып киләм. Шунда каршыма чалмалы, яшел чапан кигән бабай килеп чыкты. Куркырлык берни дә әйтмәде, тик бармагы белән төртеп, шелтәләп: “Икенче алай әйтмә”, дип кисәтте. Курыктым. Ни өчен әйткәнен шунда ук аңладым, – ди ул.
Менә шулай итеп гомерлек сабак, гыйбрәт алган ул. Раббыбыз белән бәйле рәвештә теләсә-нәрсә сөйләп шаярырга да ярамый шул.
Нет комментариев