Ифтар ашлары узды

Рамазан ае тәмамланып килә. Әлеге айны зурлап шушы көннәрдә генә Чишмәле Сап авылы кафесында ифтар ашы узган иде. "14 июньдә Ташчишмә, Иске Өҗем һәм Мокшы авылы өлкәннәре Иске Өҗем мәктәбенә ифтар ашына җыелып, вәгазь тыңладылар, авыз ачтылар. Бер-берсенең хәл-әхвәлләрен белештеләр. Күңелләре булып, рәхмәт укып таралыштылар", - дип хәбәр итте безгә Илсия Мортазина. Шушы ифтар ашларын оештырган һәркемгә Аллаһы Тәгалә үзенең әҗерен насыйп итсен.