Изге эш башкарганнар

Олы Мәңгәр авылы мәчете яныннан сокланмый үтү мөмкин түгел. Мәчетнең тышкы яктан стеналары яңартылды, верандасына да ремонт ясалды. Тирә-ягын әйләндереп алу өчен коймаларын махсус заказ белән Казаннан эшләп кайтарганнар. Изге эшне күмәк хуҗалык идарәсенең матди ярдәме белән башкарып чыкканнар. Яңарту эшләрен авылның балта осталары башкарган. "Түбәсен ябуны шушы арада эшләп бетерергә уйлыйбыз. Алдагы елларда исә мәчетнең эчке ягына да ремонт үткәрелер дип көтелә", - дип хәбәр итә авыл җирлеге башлыгы Вазыйх Хисмәтуллин.