Казаннан Томскига яңа авиарейс ачыла

(Казан, 28 декабрь, "Татар-информ"). "ЮВТ Аэро" авиакомпаниясе 15 гыйнвардан өч юнәлеш буенча яңа маршрутлар ача, дип хәбәр итә Татарстан транспорт һәм юл хуҗалыгы министрлыгы.

Казаннан Томскига һәм киресенчә яңа авиарейслар сишәмбе һәм шимбә көннәрендә башкарылачак. Бер якка очыш бәясе авиакомпаниясе сайтыннан сатып алганда 5730 сум тора.

Санкт-Петербургтан Томскига авиарейслар җомга, Томскидан Санкт-Петербургка сишәмбе көннәрендә башкарыла. Компания сайтыннан сатып алганда бер якка авиабилет бәясе 7090 сум тора.

Түбән Новгородтан Томскига очыш сишәмбе, Томскидан Түбән Новгородка шимбә көннәрендә планлаштырылган. Авиабилет бәясе авиакомпания сайтыннан бер якка сатып алганда шулай ук 7090 сум тора.

Рейслар CRJ-200дә башкарылачак.

Чыганак: http://tat.tatar-inform.ru/news/2017/12/28/155206/