Кечкенә дә – төш кенә

Иске Өҗем мәктәбе районыбызда иң өлкәннәрдән берсе.

Иске мәктәпне сүткән вакытта килеп чыккан документлардан өзекләр аның 1915 елда ук булуы турында сөйли. Гарәп хә­рефләре белән язылган документларда шулай ук би­редә мәчет тә, мәдрәсә дә булуы хакында хәбәр ителә. Сугыш алды елларында - 1938 елда би­редә латин графикасы бе­лән укытсалар, 1940 елда исә рус графикасына күчәләр. Шул кәгазьләрдә мәктәпкә Кытаймас (Кышлау), Кызыл Яр (Коллар), Иске Тазлар (Таш­чишмә) авылларын­нан килеп укучылар ха­кында сөйләнә. Ул чорда мәктәпнең башлангыч сый­ныфларында гына да йөз­дән артык бала укыган. Шунда ук интернат та булган. 1959 елда мәктәп сигезьеллык итеп үзгәр­телгән. 2000 елда исә урта мәктәп статусын алган. Ул чакта бирегә күрше Арча районы авылларыннан да килеп укучы балалар бар иде. 2014 елда ул кабат төп мәктәп булып үзгәртелгән. 2016 елда мәктәптә капиталь ремонт эшләнеп, ул яңартыла. Февраль аенда ук башланган төзелеш эшләрендә мәк­тәп укытучылары үз­ләре дә актив катнаша. Ремонт нәтиҗәсендә ашханә мәктәп эченә кертеп эшләнә (моңарчы ул икенче бинада урнашып, укучыларга ашау өчен урам аша йөрергә кирәк иде), санузел булдырыла, ишек-тәрәзәләр, идәннәр яңартыла. Бу гы­на да түгел, мәктәп ка­бинетлары тулысынча үз­гәреш кичерә. Яңа мебельләр алына, һәр кабинетка проекторлар куелып, заманча җиһазлана. Бүгенге көндә биредә 40 бала белем ала. Мәктәпнең тынгысыз директоры Рәшит Хисмәтуллин, директор урынбасарла­ры - Миләүшә Хафизо­ва, Алия Гайнуллина һәм 14 кешедән торган укы­тучылар коллективы укучыларга тиешле бе­лем бирү өстендә армый-талмый хезмәт куя. Ел саен мәктәп укучылары тарафыннан күпләп яшелчә, гөл-чәчәкләр утыр­тыла. Аларны сатып акча эшләү буенча һәр сыйныфка план билгеләнә. Мәктәп янында­гы ике гектарга якын җир моның өчен бер дигән мөмкинлек бирә. Хезмәт белән тәрбияне берәү дә үзгәртмәгән - монысы да мөһим фактор. Ашханәләрендә дә күбрәк мәктәп бакчасында үс­кән җиләк-җимеш, яшел­чәдән әзерлән­гән ри­зык.
Биредә Иске Өҗем, Ташчишмә, Кызыл Утар, Яңа Өҗем, Мокшы авылларыннан килеп укыйлар. Укучыларны күрше авылларга мәктәп автобусы йөртә. Укучылар­ның иң күбе - 21е - башлангыч сыйныфларда белем ала. Укыту эш­ләре буенча директор урын­басары Миләүшә Ха­физованы иң куандыр­ганы - киләсе еллар­да мәктәпкә керүче балалар санының дистәгә якын булуы. Шунысы да бар, биредә белем би­рүчеләр һәр баланың гаи­ләсе белән якыннан та­ныш, өендә нәрсә икәнен, ни белән яшәвеннән хә­бәрдар. "Үзәккә үткән тәртипсез гаиләләр юк - шунысы куандыра", - ди Миләүшә ханым. Тик менә балаларның ба­лалар бакчасына йөрмәве, күбрәк "телевизор" тәрбиясе йогынтысы ас­тында булуы гына борчый педагогны. "Өйдән кил­гән бала мәгънә­сен аңламыйча рус телендә сөйләшергә ты­рыша. Балалар бакчасына йөргән бала исә бөтенләй икенче - аерылып тора", - ди ул.
Мәктәптә еш кына ма­тур чаралар, бәйрәм ки­чәләре уза. Өлкәннәр, укытучылар көне, әни­ләр бәйрәме, ярмин­кәләр - әнә шундыйлар­дан. Укучылары олимпиа­даларда призлы урыннар алалар, спорт ярыш­ларында катнашалар, рес­публикакүләм бәй­г­е­­­ләрдә катнашып җи­ңүләр яулыйлар - монысы исә коллективның дус, бердәм эшчәнлеге нә­тиҗәсе. Киләчәккә хы­ял­лары да юк түгел. Дан­лыклы якташлары, татар-төрек галиме Рәшит Рәхмәтинең музеен бул­дыру уе белән яналар. Бул­дырырлар - монысына иманым камил.
Автор фо­тосы.