Китапханәчеләр "Әтнә таңы"н ярата

Әтнә Үзәк-Китапханәсе:

Барыбызның да яраткан "ӘТНӘ ТАҢЫ" газетасы үзенең 25 яшьлек юбилеен бәйрәм итте. Газетаның күптәнге дуслары буларак, тантаналы кичәне яратып, сөенеп, горурланып карадык. Күпме укучысы, хәбәрчеләре, "Әтнә таңы"ның күптәнге, ышанычлы дуслары килгән иде. Никадәрле җылы хатирәләр, ихлас сүзләр сөйләнде. Татарстан Журналистлар союзыннан, Бөтендөнья татар конгрессыннан кайткан кунаклар, күрше район газеталары редакторлары - һәммәсе дә "Әтнә таңы"ның чирек гасырлык хезмәтенә иң югары бәя бирде.

Котлауларга без дә кушылабыз, киләчәктә дә иңгә-иңне куеп эшләргә насыйп булсын, иҗат уңышлары, саулык-сәламәтлек телибез!

БЕЗ СЕЗНЕ БИК-БИК ЯРАТАБЫЗ!