Кларабыз – республикада икенче!

Район эчке эшләр бүлегенең җәза үтәтү инспекциясе башлыгы Клара Кадимованың ел дәвамында газетага биреп барган хәбәрләрен онытып бетермәгәнсездер әле.

Сөенечле хәбәр җиткерәсебез килә, Клара Кадимова Республика күләмендэ җәза үтәтү инспекциясе бүлекләренең эш нәтиҗәләре буенча икенче урынга чыкты. 13 гыйнвар көнне кубок белән Диплом алып кайтты. Әлеге истәлек бүләкләрен аңа ТРның җәза үтәтү идарәсе башлыгы генерал лейтенант Д.З.Хамадишин үзе тапшырды. Җәза үтәтү башлыгы Р.Р. Шәймурзин аңа ярдәм бүләкләрне биреп торды.

Котлыйбыз, Клара Әгзәм кызы! Үз өлешебез кергәнгә дә куанабыз, киләчәктә дә бергәләп эшләргә насыйп булсын.