Коръән укырга өйрәнәсегез килсә...

Редакциягә шалтыратып берничә тапкыр "Күәм мәчетендә укырга өйрәнәсем килә. Рафисә апа яңа группа җыймыймы икән?" - дип сораган идегез. Сез сораганда белешкән идек, укулар башланган иде. Абыстай Рафиса апа Фазылҗановага сезнең хакта әйтеп куйган идек. Бүген Рафисә абыстай шалтыратып: "Укырга теләүчеләрне 29 декабрь көнне 18.00 сәгатьтә Күәм мәчетенә чакырам. Укуларның кайчан башланачагын, килү-китү сәгатьләрен, нәрсәләр кирәк булачагын шунда җыйналгач сөйләшәчәкбез. Ислам дине кануннарына төшенәсе, өйрәнәсе, беләсе килгән һәркем килсен. Өйрәтү - бушлай..." - дип хәбәр итте. Шунысы да мәгълүм булсын, Рафисә абыстайда укучылар, өйрәнүчеләр бик күп. Әле генә ике группа укуларын тәмамлап, Коръән укырга өйрәнеп чыгып киттеләр. Һәм барысы да остазына рәхмәтле. Сез дә тәвәккәлләгез.