Күршегездә мәк үссә - " Әтнә таңы"

Республика буенча «Мәк - 2017" операциясенең беренче этабы башланып китте. Ул 13 июньнән 15 июльгә кадәр дәвам итәчәк. Әлеге комплекслы профилактик мероприятие наркотик культуралар үстерү участокларын ачыклау һәм аларга бару юлларын ябу, үсемлекләрне юкка чыгару, наркотик культуралар үстерү белән шөгыльләнүчеләрне, аны кулланучыларны тоткарлау максатыннан башкарыла. Операция барышында мондый урыннарны тикшерү буенча рейдлар узачак. Бу уңайдан район халкына шуны да җиткерәсе килә,наркотик үсемлекләр үстерү һәм аны куллануда шикләнүче затларга тап булсагыз, участок инспекторына, яисә Эчке эшләр бүлегенең җинаятьләрне ачыклау бүлекчәсе җитәкчесе Радик Заһидуллинга мөрәҗәгать итәргә мөмкин. 02, 2-15-75 телефоннары аша шалтыратып та хәбәрләрегезне әйтү мөмкинлеге бар.