"Когалымавиа"нең элеккеге бортпроводнигы Олег Ермаков фаҗига булырга бер атна кала эштән киткән. Мисырда фаҗигагә очраган самолетның экипаж әгъзалары белән ул якыннан таныш булган, дип яза "ТатПресса" порталы.
НТВ каналында барган "Говорим и показывем" телетапшыруында Олег Ерамков эштән әтисенең начар төш күрүе нәтиҗәсендә китүен әйтә. Әтисе улының нәкъ менә шушы самолетта шартлавы турында төш күрә, дип хәбәр итә РИА Новости.
Эштән китүнең сәбәбен Олег Ермаков берәүгә дә әйтми. Ерамков "Когамылавиа"да ике ел ярым эшли. Экипажның барлык әгъзалары белән дә яхшы таныш була. Ул вафат булган пилотларның һәм бортпроводникларның да югары профессиональле булуларын, ике дә уйламый аларга үзенең гомерен ышанып тапшыра алуын ассызыклый. План буенча ул 31 октябрь көнне Санкт-Петербургтан Шарм-эль-Шейхка очарга тиеш була.
.
Нет комментариев