Призерларга бүләкләр күп булды

"Мәгариф һәм фән министрлыгы тарафыннан оештырылган "Тату сыйныф серләре" икенче рес­публика бәйгесенең "Сәламәт яшәү рәвеше" юнәлешендә Олы Әтнә урта мәктәбе укучылары да катнашып, призер булып кайтты. 7 «Б» сыйныфтан - 17, 9 «Б»дан - 3, 8 «А» сыйныфыннан - 1 укучы һәм сыйныф җитәкчесе Галия Минһаҗева, алар белән бергә алты әти-әни - Гөлсинә һәм Рамил Зыятдиновлар, Әлфия Сабирҗанова, Илнур Мөхәммәтшин, Әлфинә Мөхәммәтҗанова, Динар Насретдиновтан торган команда шушы юнәлештәге 19 мәктәп арасында көч сынашты. Бүләкләр дә саллы - һәр балага аквапаркка, театрга, "Костер" лагерена билетлар тапшырылды", - ди мәктәпнең тәрбия эшләре буенча урынбасары Динә Галиуллина.